Mga Madalas Itanong sa 101 Proyekto ng Pagpapalit ng Cordilleras Creek Bridge

Ang layunin ay palitan ang kasalukuyang tripleng kahong alkantarilya ng iisang sumasaklaw na tulay, habang pinananatili ang pagkakakonekta at kaligtasan para sa publiko na bumibiyahe sa kahabaang ito ng U.S. 101. Ang pamalit na tulay ay magpapanatili ng kompigurasyong labindalawang mga lane kung saan anim na mga lane ang tumatakbo sa magkabilang direksyon.

Unang itinayo ang tulay noong 1930. Ipinakita sa inspeksyon kamakailan na ang tulay na ito ay nasa katapusan na ng buhay-serbisyo nito at kinakailangan nang mapalitan.

Karamihan sa mga gawain ng konstruksyon na kailangan upang makompleto ang proyektong ito ay kailangang mangyari sa loob ng channel ng creek. Upang mapanatili ang ligtas na tahanan ng buhay-ilang sa creek, kailangan ding limitahan ang gawain sa isang partikular na panahon: Hunyo hanggang Oktubre. Idinisenyo ng Caltrans ang proseso ng konstruksyon na makukumpleto sa isang panahon ng konstruksyon, sa halip na tatlong panahon sa loob ng tatlong taon, na magkakaroon ng higit na maliit na epekto sa tirahan ng buhay-ilang sa creek. Nakipag-ugnayan din ang Caltrans sa mga pang-estado at pederal na mga ahensya para sa buhay-ilang hinggil sa disenyo na magpapalawak sa Cordilleras Creek upang mapahusay ang hidrolohiya at tidal function ng wetland.

Pinaplano ng Caltrans na gamitin ang paraang "cut and cover" kasama ng prosesong Accelerated Bridge Construction (ABC, Pinabilis na Konstruksyon ng Tulay) na magpapahintulot sa Caltrans na ipatayo ang tulay sa isang panahon sa halip na tatlong taon. Ang paraang "cut and cover" ay magtatayo ng bagong tulay na may iisang saklaw sa ibabaw ng kahong alkantarilya, at pagkatapos ay aalisin ang mga kasalukuyang kahon, na inaalis ang pangangailangang baguhin ang mga lane ng trapiko sa buong freeway.

Ang pagpapaikli ng pagsasapanahon ng konstruksyon mula sa tatlong panahon sa loob ng tatlong taon patungo sa isang panahon ay may napakaraming kapakinabangan. Ang pagtatakda ng konstruksyon nang isang beses lamang at ang kawalan ng mga gastos sa pagpapanatili sa pagitan ng mga panahon ay nakabawas sa pangkalahatang gastos sa proyekto. Babawasan din nito ang mga epekto sa kapaligiran ng creek, paiigtingiin ang kaligtasan ng mga bumibiyahe at manggagawa ng konstruksyon, at iiwasan ang paglipat ng kagamitan sa pag-toll, at paiikliin ang paggambala sa mga lokal na kapitbahayan.

Ang paggamit ng paghahanda sa cut ang cover at prosesong Accelerated Bridge Construction (ABC) ay magpapaikli sa iskedyul ng konstruksyon mula tatlong taon patungo sa isang panahon ngunit mangangailangan ng isang buong 55-oras na mga araw ng Sabado at Linggo para sa bawat panig ng highway (northbound at southbound).

Ang mga petsa ng pagsasara sa southbound ay:

• Setyembre 29-Oktubre 2

Ang mga petsa ng pagsasara sa northbound ay:

• Oktubre 13-16

Ang ganap na pagsasara sa mga araw na Sabado at Linggo ay magtatagal mula 10:00 PM Biyernes ng Gabi hanggang 5:00 AM Lunes ng umaga. Kabilang sa pakikipagkasundo sa kontratista ang mga bentaha at disbentaha para sa bawat oras na makukumpleto ang 55-oras na pagsasara, maaga man o huli.

Layunin nito ang ipagamit sa trapiko ang ibang mga ruta upang maiwasan ang lugar ng proyekto sa panahon ng mga pagsasara sa mga araw ng Sabado at Linggo, ngunit ang anumang trapikong paparating sa site ay babaguhin ang ruta sa pagitan ng mga exit ng Holly Street at Whipple Avenue patungo sa Industrial Way sa Redwood City. Ipoposisyon ang Portable Changeable Message Signs (PCMS, Nababagong Karatula) upang ipaalam sa mga bumibiyahe ang mga alternatibong ruta na kahanay ng Route 101. Ang hindi nababagong kasalukuyang Hwy CMS ay gagamitin sa panahon ng pagsasara sa buong Bay Area. Bukod dito, ang mga elemento ng Smart Corridor sa kahabaan ng State Route (SR) 82, gagamitin ang El Camino Real upang lubusin ang pagdaan para sa trapikong pipiliing gamitin ang SR 82.

Gagamitin ng Caltrans ang lokal at panrehiyong inililimbag at ibinobrodkast na media upang abisuhan ang publiko tungkol sa gawain at magbabala sa kanilang asahan ang mga pagkaantala sa panahon ng mga pagsasara sa mga araw ng Sabado at Linggo. Pinapayuhan ang mga motoristang iwasan ang pagbiyahe, magpahintulot ng karagdagang oras kung hindi maiiwasan ang bumiyahe, gumamit ng mga alternatibong ruta, at sumakay sa pampublikong transportasyon.

Makikipag-ugnayan ang pangkat ng proyekto sa mga panrehiyong paliparan upang maabisuhan ang mga pasahero, departamento para sa sunog, unang tagaresponde, at panrehiyong trauma center.  Aabisuhan ng pangkat ang mga vendor ng mga karaniwang ginagamit na aplikasyon para sa nabigasyon upang mabago ang kanilang mga algoritmo upang iruta ang trapiko sa iba pang mga panrehiyong ruta.

Ipapaskil ang mga update sa proyekto online sa SM101CordillerasCreekBridge.com.

Magkakaroon ng oportunidad ang mga lokal na ahensya na tukuyin ang mga hakbang ng mitigasyon tulad ng pag-alis ng paradahan sa sasakyan, mga pagbabago sa tiyempo ng signal, o iba pang mga hakbang na kabahagi ang mga lokal na kalsada. Makikipag-ugnayan ang Caltrans sa mga tagapag-organisa ng anumang mga espesyal na kaganapan na maaaring sumabay sa mga naiplanong petsa ng pagsasara.